)
oswa https:// vle di ou konekte ak sitwèb .gov san danje. Pataje enfòmasyon sansib sèlman sou sit entènèt ofisyèl ki an sekirite.
Konsèy sou Enpo IRS 2025-64, 25 septanm 2025
Mwa Preparasyon Nasyonal la ap fini, men sa pa ta dwe anpeche moun planifye pou yon potansyèl ijans oswa yon dezas nan lavni. Preparasyon kòmanse lakay ou, epi kit se pou rezon pèsonèl oswa biznis, plan preparasyon pou ijans yo enpòtan anpil epi yo ka bay yon avantaj pou rekiperasyon si w ta afekte pa yon evènman.
Men kèk bagay kontribyab yo ka fè pou ede pwoteje dosye finansye yo.
Mete ajou plan preparasyon pou ijans chak ane
Kontribyab yo ta dwe revize plan preparasyon ijans yo, omwen chak ane. Ready.gov (an anglè) gen resous ak lis verifikasyon pou ede moun mete ansanm plan preparasyon ijans yo.
Kreye kopi elektwonik dokiman yo
Kontribyab yo ta dwe kenbe dokiman enpòtan yo ak aparèy depo yo nan yon kote ki an sekirite. Si dokiman orijinal yo disponib sèlman sou papye, kontribyab yo ta dwe konsidere konvèti yo an vèsyon elektwonik epi estoke yo sou yon kle USB oswa nan nwaj la. Anpil enstitisyon finansye bay deklarasyon elektwonikman.
Dokiman ki gen anpil valè
Pran foto oswa videyo bagay ki gen valè anvan yon dezas frape. Sa fè li pi fasil pou reklame benefis asirans ak enpo yo. IRS.gov gen yon manyèl travay pou pèt dezas (an anglè) ki ka ede kontribyab yo fè lis bagay yo moso pa moso.
Konprann soulajman enpo ki disponib pou sitiyasyon dezas
Enfòmasyon sou asistans pou dezas ak sekou ijans pou moun ak biznis yo (an anglè) disponib sou IRS.gov. Kontribyab yo ta dwe revize tou Piblikasyon 547, Aksidan, Dezas ak Vò yo (an anglè).
Kontribyab ki abite nan yon zòn dezas deklare federalman kapab vizite Otou nasyon an (Around the nation) (an anglè) sou IRS.gov epi klike sou eta kote y ap viv la pou wè soulajman enpo ki disponib pou dezas. Moun k ap viv nan zòn ki deziyen pou soulajman pou katastwòf yo resevwa ranvwa otomatik pou ranpli ak peye anpil deklarasyon enpo ki dwe kounye a epi yo pa bezwen kontakte ajans lan pou jwenn soulajman.
Moun ki gen kesyon ki gen rapò ak dezas yo ka rele Liy Dirèk Sèvis Espesyal IRS la nan 866-562-5227 pou pale ak yon espesyalis IRS.
Si moun te pèdi dokiman enpo yo, yo ka kòmande transkripsyon enpo oswa mande kopi deklarasyon enpo ak atachman yo te deja ranpli atravè Jwenn Transkripsyon sou IRS.gov, lè yo ranpli Fòm 4506 (an anglè) oswa lè yo rele 800-908-9946.